Mir sin de Knippschaff

Neue CD

Mer freue uns, üch uns neue CD ankündije ze könne.
Jenau wie uns Konzerte es och die CD en Enladung metzesinge.

Liedtext zum mitsingen:

Mir sin de Knippschaff (De Knippschaff)
(T&M: Annette Fuchs / (P)2026 De Knippschaff/Dabbelju Music)

REFRAIN
Mir sin de Knippschaff, en Erinnerungskapell.
Mir han ne Aufdrag vum Tante Klara,
vum Feschers Köbes un däm Schmitze Bell.
Sing met d‘r Knippschaff, dä Remmel un dä Buuredanz.
Wann mir die Leeder zesamme singe, dann freut dat
bestemmp och unsere Hans.

  1. Strophe
    Jede Jeck es bei uns anders. Jede‘ hät sing eije‘ Stemm.
    Mir spille jän en Bürjerzentren, en d’r Kirch un och en ‘ner
    Kaschemm.
    Vum Müürer bes zor Weetsfrau. Beste Fründe un Ehelück.
    En janze Knippfamillich
    met üch zesamme – wat e Jlöck!

REFRAIN (wie oben)

  1. Strophe
    Et Kättche zeich uns eetste Liebe.
    Dä Ühm schlöf om Familjedaach en.
    En alle fünnef Johreszigge steck et wohre Levve dren.
    Sing Fijürcher sin lebendig.
    Se halde uns ne Speejel vür.
    Sing Jeschichte, se bewäje
    un finge immer – uns Hätzensdür.

C-Teil
Wann m‘r ens deef en sing Leeder ‘ren spört –
fingks do jet Hillijes, jo dann bes do jerührt.
Un do frögs dich, es dat et Genie vum Knipp
oder vielleich sujar d‘r Leeve Jott,
dä em dobei hät, dä Steff jeföhrt.

REFRAIN
Mir sin de Knippschaff, en Erinnerungskapell.
Mir han ne Aufdrag vum Tante Klara,
vum Feschers Köbes un däm Schmitze Bell.
Sing met d‘r Knippschaff, dä Remmel un dä Buuredanz.
Wann mer die Leeder zesamme singe, dann freut dat
bestemmp och bovven unsere Hans.

© De Knippschaff